អំពីអង្គការ

អង្គការក្តីសង្ឃឹមនៃពលរដ្ឋកម្ពុជា ត្រូវបានបង្កើតឡើងនៅថ្ងៃទី២៤ ខែវិច្ឆិកា ឆ្នាំ ២០១៣ ហើយត្រូវបានទទួលស្គាល់ជាផ្លូវការដោយរាជរដ្ឋាភិបាលនៃព្រះរាជាណាចក្រកម្ពុជា តាមរយៈក្រសួងមហាផ្ទៃ ដែលមានលិខិតលេខ ១៨៩៨ សជណ ចុះថ្ងៃទី ៦ ខែធ្នូ ឆ្នាំ ២០១៣ ដែលមានអាសយដ្ឋាននៃទីស្នាក់កណ្តាលនៅផ្ទះលេខ ៦៤២ ភូមិចំការសំរោង២ ឃុំចំការសំរោង ក្រុងនិងខេត្តបាត់ដំបង ដោយព្រះសង្ឃស្ម័គ្រចិត្តមួយក្រុមមានចំនួន៣ព្រះអង្គជាស្ថាបនិក ។  គោលបំណងដ៏ចម្បងនៃការបង្កើតអង្គការនេះរួមមានដូចខាងក្រោមៈ

ទស្សនវិស័យ បេសកកម្ម និងគោលដៅ

ទស្សនវិស័យ

-ចង់ឃើញពលរដ្ឋគ្រប់រូបរស់នៅក្រោមម្លប់នៃការអប់រំ និងក្រមសីលធម៌ ព្រមទាំងចេះខិតខំប្រឹងប្រែង តស៊ូ ព្យាយាម ដើម្បីសម្រេចបាននូវជោគវាសនាដោយខ្លួនឯង ។

បេសកកម្ម

-ផ្តល់ការអប់រំល្អៗដល់កុមារ យុវជននិង ពលរដ្ឋគ្រប់រូប

-សង្គហៈ  អភិបាល ដល់កុមារ យុវជន ពលរដ្ឋទូទៅ ដូនចាស់ជរាដែលគ្មានទីពឹង

-បណ្តុះបណ្តាលពលរដ្ឋឲ្យចិញ្ចឹមជីវិតទៅតាមកម្លាំងកាយ កម្លាំងបញ្ញា និងប្រកដដោយភាពសុចរិត បរិសុទ្ធ ភាពវៃឆ្លាត សេចក្តីស្មោះត្រង់ ព្យាយាម ទឹកចិត្តមុះមុត  ​ប្តូរផ្តាច់ ក្នុងការងាររបស់ខ្លួន

-តម្រង់ទិសដៅពលរដ្ឋឆ្ពោះទៅរក សន្តិភាព សុភមង្គល និងភាពជោគជ័យ

-ចូលរួមលប់បំបាត់ចោលនូវវប្បធម៌ ប្រកាន់ រើសអើងពូជសាសន៍ សាសនា វណ្ណៈ ភេទ ៕

គោលដៅ

-ចិញ្ចឹម ថែរក្សា ការពារ អប់រំ បណ្តុះបណ្តាល​ កុមារ យុវជន ពលរដ្ឋដែលគ្មានទីពឹង មានជនពិការ ជនក្រីក្រ  និងដូនចាស់ជរាឲ្យទទួលបាននូវទីពឹងដ៏ប្រសើរក្នុងជីវិត ។