ការអប់រំ
ប្រព័ន្ធអប់រំនៅកម្ពុជា
ដើម្បីធានាសង្គតិភាពនៃឋានានុក្រម តួនាទី ខ្លឹមសារ និងលំដាប់លំដោយនៃការអនុវត្តរវាង យុទ្ធសាស្ត្រចតុកោណដំណាក់កាលទី ២ ជាមួយនឹងផែនការយុទ្ធសាស្ត្រអភិវឌ្ឍន៍ជាតិបច្ចុប្បន្នកម្មឆ្នាំ២០០៩ -២០១៣ ផែនការយុទ្ធសាស្ត្រវិស័យអប់រំឆ្នាំ ២០០៩-២០១៣ ត្រូវបានពិនិត្យឡើងវិញ សំដៅកែលម្អសេវាអប់រំឱ្យកាន់តែប្រសើរថែមទៀត។
ការពិនិត្យឡើងវិញផែនការ យុទ្ធសាស្ត្រវិស័យអប់រំឆ្នាំ ២០០៩-២០១៣ នេះ បានបង្ហាញអំពី បម្រែបម្រួល និង បង្ហាញពីដំណាក់កាលការងារដ៏សំខាន់មួយរបស់ក្រសួងអប់រំ យុវជន និងកីឡា ក្នុងការបន្តអនុវត្តកំណែទម្រង់វិស័យអប់រំ យុវជន និងកីឡានៅកម្ពុជា ស្របតាមកំណែទម្រង់នានា របស់រាជរដ្ឋាភិបាល។ ក្នុងរយៈពេល ៥ ឆ្នាំនៃការអនុវត្តផែនការយុទ្ធសាស្ត្រវិស័យអប់រំកន្លងមកនេះ ក្រសួងនិងដៃគូអភិវឌ្ឍបានធ្វើឱ្យមានការរីកចម្រើនគួរឲ្យកត់ សម្គាល់ ក្នុងការផ្តល់ការអប់រំប្រកបដោយសមធម៌ ការកែលម្អគុណភាពនិងប្រសិទ្ធភាពសេវាអប់រំ និងការគ្រប់គ្រងសេវាអប់រំ ។
ផែនការយុទ្ធសាស្ត្រវិស័យអប់រំ ឆ្នាំ ២០០៩-២០១៣ ត្រូវបានរៀបរៀងឡើង ដើម្បីផ្សារភ្ជាប់ ទំនាក់ទំនងរវាងគោលនយោបាយនិងយុទ្ធសាស្ត្រអប់រំជាមួយនឹងកម្មវិធី និងសកម្មភាពអភិវឌ្ឍនានា ព្រមទាំងការផ្សារភ្ជាប់ផែនការទៅនឹងថវិកា។ នៅក្នុងដំណាក់កាលនេះ ក្រសួងនៅតែបន្តផ្តល់ អាទិភាពខ្ពស់លើការចូលរៀនប្រកបដោយសមធម៌និងមានគុណភាពខ្ពស់ ជាពិសេសការអប់រំកម្រិត មូលដ្ឋាន ដែលនឹងឈានទៅសម្រេចផែនការជាតិអប់រំសម្រាប់ទាំងអស់គ្នានៅឆ្នាំ ២០១៥ ។ ផែនការ យុទ្ធសាស្ត្រវិស័យអប់រំឆ្នាំ ២០០៩-១៣ ក៏បានផ្តោតការយកចិត្តទុកដាក់ខ្ពស់ផងដែរលើការពង្រីក ការអប់រំកុមារតូច ការពង្រីកការងារអប់រំក្រៅប្រព័ន្ធ ការអប់រំបច្ចេកទេសវិជ្ជាជីវៈ ការពង្រីកឱកាសទទួលសេវាអប់រំមធ្យមសិក្សា និងក្រោយមធ្យមសិក្សា តាមរយៈបន្តអនុវត្តគោលការណ៍ភាពជាដៃគូ ឱ្យបានកាន់តែប្រសើររវាងរាជរដ្ឋាភិបាល ដៃគូអភិវឌ្ឍ ផ្នែកឯកជន អង្គការមិនមែនរដ្ឋាភិបាល និងសហគមន៍ មាតាបិតាសិស្ស។ លើសពីនេះទៀតត្រូវធានាថា ការចំណាយលើវិស័យអប់រំពិតជាទទួលបាននូវ ផលប៉ះពាល់ជាអតិបរមា ជាពិសេសផ្តោតការយកចិត្តទុកដាក់ទៅលើការអប់រំសម្រាប់កុមារនិង យុវជន បាត់បង់ឱកាស តាមរយៈការរៀបចំឲ្យមានវិធានការច្បាស់លាស់ ដែលធានាដល់ប្រសិទ្ធភាពនៃការ ចំណាយថវិកាអប់រំ ។ ការពង្រឹងការអនុវត្តច្បាប់ស្តីពីការអប់រំ ក្រមសីលធម៌វិជ្ជាជីវៈគ្រូបង្រៀន និង អភិបាលកិច្ចល្អ ក៏ជាកិច្ចការមួយដែលត្រូវយកចិត្តទុកដាក់ឲ្យបានខ្លាំងក្លា។ ស្របពេលជាមួយគ្នានេះ ការលើកទឹកចិត្ត និងការអភិវឌ្ឍសមត្ថភាពបុគ្គលិកអប់រំនៅគ្រប់កម្រិតសម្រាប់អនុវត្ត វិមជ្ឈការអប់រំ ក៏ជាសមាសភាគដ៏សំខាន់ផងដែរ។
ផែនការយុទ្ធសាស្ត្រវិស័យអប់រំ ឆ្នាំ ២០០៩-២០១៣បានរៀបចំឡើងដោយមានយន្តការការងារ ច្បាស់លាស់ ការសិក្សា ការពិគ្រោះយោបល់ និងការចូលរួមបានទូលំទូលាយពីសំណាក់ អ្នកពាក់ព័ន្ធនានា ពិសេសក្រុមការងារវិស័យអប់រំ ។ ក្រសួងសង្ឃឹមយ៉ាងមុតមាំថា ផែនការយុទ្ធសាស្រ្ដវិស័យអប់រំឆ្នាំ ២០០៩-២០១៣ នឹងកំណត់ផែនទីចង្អុលសម្រាប់ការអនុវត្ដប្រកបដោយប្រសិទ្ធិភាពសំដៅ ជម្រុញវិស័យអប់រំឱ្យលឿនទៅមុខ ដើម្បីជាគុណប្រយោជន៍ដល់ប្រជាជនកម្ពុជាគ្រប់រូប ។
ការពង្រីកការអប់រំកុមារតូចៗ នៅមតេយ្យសិក្សា
១. វត្ថុបំណង
វត្ថុបំណងនៃកម្មវិធីនេះគឺ ពង្រីកសេវាអប់រំកុមារតូចតាមគ្រប់រូបភាពសម្រាប់កុមារអាយុពី ០ ទៅក្រោម ៦ឆ្នាំ ពិសេសកុមារក្រីក្រ កុមារជនជាតិ និងកុមារពិការ និងផ្តល់អាទិភាពដល់សេវា មត្តេយ្យសិក្សាសហគមន៍ និងកម្មវិធីអប់រំកុមារតូចតាមផ្ទះ។ វត្ថុបំណងមួយទៀតគឺផ្តល់ឱ្យមានការ ប្រែប្រួលលើផ្នែកគុណភាពក្នុងការទទួលបាននូវសេវាអប់រំប្រកបដោយ សមធម៌ ។
២. ការឆ្លើយតបទៅនឹងគោលនយោបាយ និងយុទ្ធសាស្រ្តក្នុងផែនការយុទ្ធសាស្រ្តវិស័យអប់រំ
គោលនយោបាយទី ១ ៖ ធានាលទ្ធភាពទទួលបានសេវាអប់រំប្រកបដោយសមធម៌
* ពង្រីកកម្មវិធីអប់រំកុមារតូចសម្រាប់កុមារអាយុពី ០៣ ទៅក្រោម ៦ ឆ្នាំ ដោយផ្តោតមុខសញ្ញាទៅលើឃុំដែលមានអត្រាចូលរៀនថ្មីទាប និងមានអត្រាត្រួតថ្នាក់ខ្ពស់នៅបឋមសិក្សា។
សកម្មភាពគោលនយោបាយៈ
- សេចក្តីណែនាំស្តីពី ការបង្កើតមត្តេយ្យសិក្សាសហគមន៍តាមរយៈការលើកទឹកចិត្តឱ្យមានការ ប្រើប្រាស់ថវិកាសម្រាប់សេវាអប់រំកុមារតូចដោយសហការជាមួយក្រសួង មហាផ្ទៃ រៀបចំបាននៅឆ្នាំ ២០១០។
- ផែនការសកម្មភាពសម្រាប់អនុវត្តគោលនយោបាយជាតិ ស្តីពីការគាំពារនិងអភិវឌ្ឍកុមារតូចកសាងបាននៅឆ្នាំ២០១១។
- ផែនការសកម្មភាពពង្រីកថ្នាក់មត្តេយ្យសិក្សាសហគមន៍ និងការអប់រំកុមារតូចតាមផ្ទះ និងក្រុម ខ្នងផ្ទះ កសាងបាននៅឆ្នាំ ២០១១។
- ផែនការសកម្មភាពសម្រាប់បង្កើនថ្នាក់មត្តេយ្យសិក្សានៅក្នុងសាលាបឋមសិក្សាកសាងបាននៅឆ្នាំ២០១១។
- សេចក្តីណែនាំស្តីពី ការគ្រប់គ្រងមត្តេយ្យសិក្សាឯកជន រៀបចំបានឆ្នាំ ២០១១។
- ដំណើការនៃវិមជ្ឈការក្នុងការកែលម្អសេវាកម្មនិងគោលនយោបាយគាំពារនិងអភិវឌ្ឍកុមារតូចបានសិក្សានៅឆ្នាំ២០១១។
- កម្មវិធីអប់រំបញ្ចូលគ្នានិងអប់រំពីរភាសានៅសាលាមត្តេយ្យសិក្សា សាកល្បងអនុវត្តនៅឆ្នាំ ២០១២ ។
* ពង្រីកលទ្ធភាពចូលរួមរបស់ផ្នែកឯកជន និងសហគមន៍នៅគ្រប់កម្រិតសិក្សា ជាពិសេស ក្រុមប្រឹក្សាឃុំ-សង្កាត់ ។
សកម្មភាពគោលនយោបាយ៖
- យុទ្ធនាការផ្សព្វផ្សាយការចុះនិងស្រង់ឈ្មោះកុមារឲ្យទទួលសេវាអប់រំកុមារតូចចាប់អនុវត្តពីឆ្នាំ ២០១១។
គោលនយោបាយទី ២ ៖ លើកកម្ពស់គុណភាពនិងប្រសិទ្ធភាពសេវាអប់រំ
* កែលម្អគុណភាពនៃការបង្រៀន ការរៀន និងការស្រាវជ្រាវនៅគ្រប់កម្រិតទូទាំងប្រទេស។
សកម្មភាពគោលនយោបាយ៖
- សេចក្តីណែនាំស្តីពីការគ្រប់គ្រងកម្មវិធីអប់រំកុមារតូចឱ្យមានគុណភាពនិងប្រសិទ្ធភាពរៀបចំបាននៅឆ្នាំ២០១០។
- កម្មវិធីសិក្សាសម្រាប់កុមារអាយុ ៣ និង ៤ ឆ្នាំ ផ្អែកលើស្តង់ដាសិក្សា កែលម្អរួចរាល់នៅឆ្នាំ ២០១១ ។
- គោលការណ៍ស្តីពី ការលើកទឹកចិត្តដល់គ្រូមត្តេយ្យសិក្សារដ្ឋ គ្រូមត្តេយ្យសិក្សាសហគមន៍បណ្តាញក្រុមការងារអប់រំកុមារតូចតាម ផ្ទះនិងក្រុមខ្នងផ្ទះដែលមានស្នាដៃល្អរៀបចំបាននៅឆ្នាំ ២០១២ ។
គោលនយោបាយទី៣ ៖ ការអភិវឌ្ឍស្ថាប័ន និងអភិវឌ្ឍសមត្ថភាពមន្ត្រីអប់រំសម្រាប់ធ្វើវិមជ្ឈការ
* ពង្រឹងសមត្ថភាពមន្ត្រីគ្រប់គ្រងអប់រំ អំពីការងារគ្រប់គ្រង និងភាពជាអ្នកដឹកនាំនៅថ្នាក់ជាតិនិង ថ្នាក់ក្រោមជាតិ។
សកម្មភាពគោលនយោបាយៈ
- ផែនការអភិវឌ្ឍសមត្ថភាពមន្ត្រីអប់រំកុមារតូចគ្រប់លំដាប់ថ្នាក់និងគ្រប់កម្មវិធី ដោយឆ្លើយគ្នាទៅនឹងយុទ្ធសាស្ត្រអភិវឌ្ឍសមត្ថភាពរបស់ ក្រសួងអប់រំ យុវជន និងកីឡា រៀបចំបាននៅឆ្នាំ ២០១២។
៣. សូចនាករ និងចំណុចដៅ
- ការចូលរៀនរបស់កុមារតូចអាយុ ៥ ឆ្នាំតាមគ្រប់រូបភាពកើនឡើងពី ៣៩.៨% នៅឆ្នាំសិក្សា ២០០៩-២០១០ ទៅ ៦០% នៅឆ្នាំសិក្សា ២០១៣-២០១៤ ។
- ការចូលរៀនរបស់កុមារតូចអាយុពី ៣ ទៅ ៤ ឆ្នាំ តាមគ្រប់រូបភាពកើនឡើងពី ១៥% នៅឆ្នាំ ២០០៩-២០១០ ទៅ ៣០% នៅឆ្នាំ ២០១៣-២០១៤ ។
- ៧០% នៃគ្រូមត្តេយ្យសិក្សាបានទទួលនិងបញ្ចប់ការបណ្តុះបណ្តាល ដោយមានគុណភាពអំពី ការអភិវឌ្ឍកុមារតូចពេញលេញ នៅឆ្នាំសិក្សា ២០១៣-២០១៤ ។
៤. កម្មវិធី និងសកម្មភាពចម្បង
៤.១ កម្មវិធីចរន្ត (ថវិកាកម្មវិធី និងថវិកាផេ្សងៗទៀត)
- ពង្រីក និងជំរុញការចូលរៀនចំពោះកុមារអាយុពី ៣ ទៅក្រោម ៦ ឆ្នាំ ពិសេស កុមារអាយុ ៥ ឆ្នាំ ឱ្យមានសមត្ថភាពគ្រប់គ្រាន់ដើម្បីចូលរៀនថ្នាក់ទី ១ ប្រកបដោយគុណភាពនិងប្រសិទ្ធភាពដោយផ្តោតលើការបំប៉នគ្រូមត្តេយ្យ សិក្សា និងរៀបចំកម្មវិធីសិក្សាផ្អែកលើស្តង់ដាសិក្សាផ្នែកអប់រំកុមារតូច ។
- ផ្តល់ថវិកាសម្រាប់ដំណើរការសាលាថ្នាក់កុមារមត្តេយ្យសិក្សាមិនគ្រប់កម្រិត និងកុមារអាយុ ៣ និង ៤ ឆ្នាំ ដើម្បីរក្សានិរន្តភាព។
- ពង្រីកកម្មវិធីគាំពារ និងអភិវឌ្ឍកុមារតូចតាមសហគមន៍ដើម្បីអន្តរាគមន៍ទាំងស្រុងដល់ការអប់រំ កុមារតូច ជាពិសេសនៅក្នុងមជ្ឈដ្ឋានដែលមានការលំបាកតាមរយៈមាតាបិតា អាណាព្យាបាល កុមារ និងអ្នកគ្រប់គ្រងនិងថែទាំកុមារ ។
- ផ្តល់ថវិកាប្រតិបត្តិការសម្រាប់មន្ត្រីថ្នាក់ជាតិនិងថ្នាក់ក្រោមជាតិ ដើម្បីគាំទ្រដល់ការកសាង ផែនការ ការគ្រប់គ្រងនិងសកម្មភាពពិនិត្យតាមដាន ដោយបង្កើតបញ្ជីឫតារាងពិនិត្យតាមដាន ដើម្បីធានាគុណភាពផ្នែកអប់រំកុមារតូច។
- ជំរុញឲ្យមានថវិកាលើកកម្ពស់សមត្ថភាពមន្ត្រីអប់រំកុមារតូចគ្រប់លំដាប់ថ្នាក់ និងគ្រូបឋមដែលបង្រៀនថ្នាក់មតេ្តយ្យសិក្សា ។
៤.២ កម្មវិធីមូលធន
ការវិនិយោគ ៖
- ផ្តល់សម្ភារៈរូបវ័ន្តបានគ្រប់គ្រាន់សមស្របតាមវ័យ និងតម្រូវការរបស់កុមារ ជាពិសេសកុមារ ពិការនៅសាលាមត្តេយ្យសិក្សារដ្ឋ និងមត្តេយ្យសិក្សាសហគមន៍ ដោយមានការសហការពី អាជ្ញាធរដែនដី សប្បុរសជន ឬដៃគូអភិវឌ្ឍនានា ។
កិច្ចសហប្រតិបត្តិការបច្ចេកទេស ៖
- បំប៉នសមត្ថភាពមន្ត្រីជំនាញគ្រប់លំដាប់ថ្នាក់លើការងាររដ្ឋបាល ការងារបច្ចេកទេស របៀបទាក់ទងនិងកិច្ចសហការជាមួយថ្នាក់ក្រោមជាតិ និងបណ្តាញក្រុមការងារអប់រំកុមារតូចនៅតាមសហគមន៍។
- គាំទ្រមន្ត្រីទទួលបន្ទុកការងារអប់រំ កុមារតូចនៅថ្នាក់ជាតិនិងថ្នាក់ក្រោមជាតិ លើការបង្កើន គុណភាពតាមផ្នែក ឬតាមតំបន់នីមួយៗដែលពាក់ព័ន្ធ ។
៥. ការគ្រប់គ្រង និងពិនិត្យតាមដានកម្មវិធី
នាយកដ្ឋានអប់រំកុមារតូចទទួលខុសត្រូវលើការគ្រប់គ្រង និងពិនិត្យតាមដានកម្មវិធីនេះ។ ក្រសួងអប់រំ យុវជន និងកីឡា នឹងពិនិត្យឡើងវិញលើការរៀបចំទទួលខុសត្រូវរបស់ថ្នាក់ក្រោមជាតិ ព្រមទាំងការសម្របសម្រួលផងដែរជាមួយស្ថាប័នពាក់ព័ន្ធផ្សេងទៀត រួមមានគណៈកម្មាធិការជាតិ និងលេខាធិការដ្ឋានអប់រំសម្រាប់ទាំងអស់គ្នា និងគណៈកម្មាធិការជាតិ និងគណៈកម្មាធិការសម្របសម្រួលបច្ចេកទេសគាំពារ និងអភិវឌ្ឍកុមារតូច។
ក្រសួងអប់រំ យុវជន និងកីឡាសហការជាមួយក្រសួងកិច្ចការនារី និងក្រសួងសុខាភិបាល ដើម្បីពង្រឹងគំនិតផ្តួចផ្តើមអំពីការចិញ្ចឹមបីបាច់ និងអប់រំកុមារតូច តាមរយៈកម្មវិធីអប់រំកុមារតូចតាមផ្ទះ កម្មវិធីអប់រំឪពុកម្តាយ និងសហការជាមួយ ក្រសួងមហាផ្ទៃ និងក្រសួងកិច្ចការនារី ដើម្បីធ្វើវិមជ្ឈការ លើការពង្រីកថ្នាក់មត្តេយ្យសិក្សាសហគមន៏នៅក្នុងវិស័យអប់រំ ។
ក្រសួងអប់រំ យុវជន និងកីឡាសហការជាមួយក្រសួងកិច្ចការនារី និងក្រសួងសុខាភិបាល ដើម្បីពង្រឹងគំនិតផ្តួចផ្តើមអំពីការចិញ្ចឹមបីបាច់ និងអប់រំកុមារតូច តាមរយៈកម្មវិធីអប់រំកុមារតូចតាមផ្ទះ កម្មវិធីអប់រំឪពុកម្តាយ និងសហការជាមួយ ក្រសួងមហាផ្ទៃ និងក្រសួងកិច្ចការនារី ដើម្បីធ្វើវិមជ្ឈការ លើការពង្រីកថ្នាក់មត្តេយ្យសិក្សាសហគមន៏នៅក្នុងវិស័យអប់រំ ។
៦. ផែនការហិរញ្ញវត្ថុ (គិតជាលានរៀល)
| សកម្មភាព | 2009 | 2010 | 2011 | 2012 | 2013 |
| ១. កម្មវិធីចរន្ត | 45,038.1 | 43,775.4 | 44,330.9 | 54,269.5 | 60,456.2 |
| - មត្តេយ្យសិក្សាសម្រាប់កុមារ អាយុ ៣ទៅ ៥ឆ្នាំ | 22,641.1 | 23,139.3 | 23,259.6 | 24,499.7 | 24,499.7 |
| - ការអប់រំកុមារតូចផ្អែកលើសហគមន៍និងតាមខ្នងផ្ទះ | 18,128.2 | 17,666.2 | 16,944.7 | 18,411.4 | 18,411.4 |
| - ពង្រឹងការគាំទ្រ និងការពិនិត្យ តាមដានកម្មវិធី | 4,268.8 | 2,969.9 | 4,126.6 | 11,358.4 | 17,545.1 |
| ២. កម្មវិធីមូលធន | 4,268.8 | 2,969.9 | 4,126.6 | 11,358.4 | 17,545.1 |
| ការវិនិយោគ | 11.8 | 12.0 | 12.0 | 16.0 | 18.0 |
| កិច្ចសហប្រតិបត្តិការបច្ចេកទេស | 4,257.0 | 2,957.9 | 4,114.6 | 11,342.4 | 17,527.1 |
| ធនធានសរុប | 49,306.9 | 46,745.3 | 48,457.5 | 65,627.9 | 78,001.3 |
ការពង្រឹងគុណភាព និងប្រសិទ្ធភាពនៃការអប់រំនៅបឋមសិក្សា
១. វត្ថុបំណង
វត្ថុ បំណងនៃអនុកម្មវិធីនេះគឺ ១) ប្រមូលកុមារដល់និងក្នុងវ័យសិក្សាបានចូលរៀនទាំងអស់គ្នា។ ២) ផ្តល់ការអប់រំបឋមសិក្សាប្រកបដោយគុណភាព។ ៣) រក្សាកុមារឲ្យរៀនចប់ភូមិសិក្សានិងបានបន្តការសិក្សាទៅភូមិ សិក្សាបន្ទាប់ទៀត។
២. ការឆ្លើយតបទៅនឹងគោលនយោបាយ និងយុទ្ធសាស្រ្តក្នុងផែនការយុទ្ធសាស្រ្តវិស័យអប់រំ
គោលនយោបាយទី ១ ៖ ធានាលទ្ធភាពទទួលបានសេវាអប់រំប្រកបដោយសមធម៌
* ធានាឲ្យកុមារអាយុ ៦ ឆ្នាំបានចូលរៀនបឋមសិក្សា រួមបញ្ចូលទាំងក្រុមបាត់បង់ឱកាសដូចជា កុមារពិការ កុមារជនជាតិភាគតិច ពលករកុមារ ជាដើម។
សកម្មភាពគោលនយោបាយៈ
- សេចក្តីណែនាំស្តីពី ការអនុវត្តការពន្លឿនការសិក្សាសម្រាប់ក្រុមគោលដៅពិសេស រៀបចំបាន នៅឆ្នាំ ២០១០។
- សេចក្តីណែនាំស្តីពី ការអនុវត្តការអប់រំពីរភាសាសម្រាប់កុមារជនជាតិភាគតិច រៀបចំបាននៅ ឆ្នាំ ២០១០។
- សេចក្តីណែនាំស្តីពី ការធ្វើជំរឿនកុមារតាមភូមិចំណុះឱ្យសាលារៀននិងកសាងផែនទីខ្នងផ្ទះរៀបចំបាននៅឆ្នាំ២០១១។
- សេចក្តីណែនាំស្តីពី ការកសាងបរិស្ថានសិក្សាឆ្លើយតបទៅនឹងការការពារកុមារ សុខភាពសិក្សានិង យេនឌ័រ រៀបចំបាននៅឆ្នាំ ២០១២។
* កាត់បន្ថយបន្ទុកចំណាយរបស់មាតាបិតាសិស្សគ្រប់ទិដ្ឋភាពដូចជាចំណាយក្រៅផ្លូវការជាដើម។
សកម្មភាពគោលនយោបាយៈ
- សេចក្តីណែនាំស្តីពី ការគ្រប់គ្រងនិងប្រើប្រាស់ថវិកាដំណើរការសាលារៀន និងប្រាក់វិភាគទាន ដែលបានមកពីសប្បុរសជន មាតាបិតាសិស្សប្រកបដោយតម្លាភាព រៀបចំបាននៅឆ្នាំ ២០១០។
- ពង្រីកលទ្ធភាពចូលរួមរបស់ផ្នែកឯកជននិងសហគមន៍នៅគ្រប់កម្រិតសិក្សា ជាពិសេសក្រុមប្រឹក្សា ឃុំ-សង្កាត់ ។
សកម្មភាពគោលនយោបាយៈ
- សេចក្តីណែនាំនិងផែនការសកម្មភាពសម្រាប់ការចូលរួមរបស់សហគមន៍ ក្នុងការអភិវឌ្ឍវិស័យអប់រំរៀបចំបាននៅក្នុងឆ្នាំ ២០១១។
- ការអនុវត្តអនុក្រឹត្យនិងសារាចរ ស្តីពីការផ្តល់អាជ្ញាប័ណ្ណជូនគ្រឹះស្ថានបឋមសិក្សាឯកជនបានពិនិត្យឡើងវិញនិងពង្រឹង នៅឆ្នាំ ២០១២។
* បន្តសាងសង់សាលារៀនថ្មីនិងមជ្ឈមណ្ឌលសិក្សាសហគមន៍ឬផ្តល់សម្ភាររូបវ័ន្តបន្ថែមចំពោះសាលារៀនបឋមសិក្សាមិនគ្រប់កម្រិតថ្នាក់។
សកម្មភាពគោលនយោបាយៈ
* បង្កើនចំនួនអាហារូបករណ៍ (ថវិកាឬស្បៀង) ដល់សិស្សមកពីគ្រួសារក្រីក្រ ជាពិសេសសិស្សស្រី ដើម្បីធានាបានការចូលរៀននៅសាលាបឋមសិក្សា និងមធ្យមសិក្សា។ ធានាកំណត់ឲ្យបាន លើមុខសញ្ញាសិស្សបឋមសិក្សាក្រីក្រ ឫសុវត្ថិភាពស្បៀងសម្រាប់កម្មវិធីផ្តល់អាហារូបត្ថម្ភ និងកម្មវិធីអាហារូបករណ៍សម្រាប់សិស្សថ្នាក់ទី ៤-៦ ។
- សេចក្តីណែនាំស្តីពីការបង្កើតនិងប្រើប្រាស់សាលារៀន ជាពិសេសសាលារៀនមិនគ្រប់កម្រិត ថ្នាក់ឲ្យមានប្រសិទ្ធភាពនិងនិរន្តរភាព រៀបចំបាននៅឆ្នាំ ២០១២ ។
- តម្រូវការសាលារៀនថ្មីនៅតាមភូមិ ដែលពុំទាន់មានសាលារៀននិងតំបន់ដែលមានសាលារៀន នៅឆ្ងាយពីផ្ទះប្រជាជន បានសិក្សានៅឆ្នាំ ២០១២។
សកម្មភាពគោលនយោបាយៈ
- សេចក្តីណែនាំនិងផែនការសកម្មភាពផ្តល់អាហារូបត្ថម្ភដល់សិស្សក្រីក្រ និងក្រុមងាយរងគ្រោះ នៅបឋមសិក្សា រៀបចំបាននៅឆ្នាំ ២០១២។
- តម្រូវការសេវានានានៅតំបន់ព្រំដែនជាក់លាក់ក្នុងខេត្តចំនួន១៥ បានសិក្សានៅឆ្នាំ២០១២។
- គោលនយោបាយអាហារូបករណ៍ជាតិ ជាពិសេសសម្រាប់សិស្សក្រីក្រនិងក្រុមងាយរងគ្រោះនៅបឋមសិក្សា កសាងបាននៅឆ្នាំ២០១៣ ។
- សេចក្តីណែនាំស្តីពីការផ្តល់អាហារូបករណ៍ដល់សិស្សនៅថ្នាក់ទី៤ដល់ទី៦ នៅតាមតំបន់ព្រំដែនក្នុងខេត្តចំនួន១៥រៀបចំបាននៅឆ្នាំ២០១៣។
គោលនយោបាយទី ២ ៖ លើកកម្ពស់គុណភាពនិងប្រសិទ្ធភាពសេវាអប់រំ
* កាត់បន្ថយអត្រាត្រួតថ្នាក់ និងបោះបង់ការសិក្សានៅគ្រប់កម្រិតថ្នាក់។
សកម្មភាពគោលនយោបាយៈ
- សេចក្តីណែនាំ ដើម្បីជំរុញការអនុវត្តប្រកាសស្តីពី បទបញ្ជាផ្ទៃក្នុងសម្រាប់គ្រឹះស្ថានបឋមសិក្សាសាធារណៈត្រង់ប្រការទី១៦ ស្តីពីការធ្វើតែសទ្បើងថ្នាក់នៅដើមឆ្នាំនិងចុងឆ្នាំសិក្សា រៀបចំបាន នៅឆ្នាំ២០១០។
- សេចក្តីណែនាំស្តីពីការពង្រឹងនិងធានាឲ្យបានការអនុវត្តម៉ោងបង្រៀនពី ៨៥០ ម៉ោង ទៅ ១០០០ ម៉ោង រៀបចំបាននៅឆ្នាំ២០១១។
* កែលម្អគុណភាពបង្រៀន និង រៀននៅគ្រប់កម្រិតទូទាំងប្រទេស ។
សកម្មភាពគោលនយោបាយៈ
- សេចក្តីណែនាំអនុវត្តគោលការណ៍ស្តីពីការកំណត់សាលាកុមារមេត្រីតាមកម្រិត រៀបចំបាន នៅឆ្នាំ២០១០។
- ផែនការមេនៃកម្រងសាលារៀន បានពិនិត្យឡើងវិញនៅឆ្នាំ ២០១០។
- សេចក្តីណែនាំ និងផ្សព្វផ្សាយការអនុវត្តក្រមសីលធម៌គ្រូបង្រៀន រៀបចំបាននៅឆ្នាំ២០១១។
- គោលការណ៍ណែនាំពង្រឹងការអនុវត្តកម្មវិធីសាលាកុមារមេត្រី កម្មវិធីពន្លឿនការសិក្សា និង កម្មវិធីអប់រំពីរភាសា រៀបចំបាននៅឆ្នាំ ២០១១។
- ផែនការមេសាលាកុមារមេត្រីដោយបញ្ចូលខ្លឹមសារស្តីពីការអប់រំកុមារពិការ បានពិនិត្យឡើង វិញនៅឆ្នាំ ២០១២។
* បង្កើនគណនេយ្យភាពហិរញ្ញវត្ថុសាធារណៈ និង ការទទួលខុសត្រូវរបស់គ្រឹះស្ថានសិក្សា ក្នុងការ ប្រើប្រាស់ថវិកា និងការសម្រេចចិត្តលើកម្មវិធីនានា ។
សកម្មភាពគោលនយោបាយ៖
- សេចក្តីណែនាំស្តីពីការអនុវត្ត កម្មវិធីអប់រំថ្នាក់ពីរភាសា អប់រំបញ្ចូលគ្នា ពន្លឿនការសិក្សា ការប្រើ ប្រាស់គ្រូសហគមន៍ និងការប្រើប្រាស់បញ្ជីពិនិត្យតាមដាននៅតាមសាលារៀនឬគ្រឹះស្ថាន សិក្សា រៀបចំបាននៅឆ្នាំ ២០១១។
* បង្កើនតម្លាភាព និង កែលម្អការពិនិត្យតាមដានការបំពេញការងារ និងការទទួលខុសត្រូវរបស់គ្រូ បង្រៀន និងសាលារៀន។
សកម្មភាពគោលនយោបាយៈ
- សេចក្តីណែនាំស្តីពី ការផ្សព្វផ្សាយលទ្ធផលសិក្សារបស់សិស្សសំដៅជំរុញការសិក្សា និងស្វ័យសិក្សារបស់សិស្ស រៀបចំបាននៅឆ្នាំ២០១២។
- លទ្ធផលនៃការបំពេញការងាររបស់ក្រុមបំប៉ននិងពិនិត្យតាមថ្នាក់ក្រុង ស្រុក ខណ្ឌ បានសិក្សា នៅឆ្នាំ ២០១២។
គោលនយោបាយទី៣ ៖ ការអភិវឌ្ឍស្ថាប័ន និង កសាងសមត្ថភាពមន្ត្រីអប់រំសម្រាប់ធ្វើវិមជ្ឈការ
* ពង្រឹងប្រព័ន្ធពិនិត្យតាមដានការបំពេញការងារវិស័យអប់រំ និង ផលប៉ះពាល់ ។
សកម្មភាពគោលនយោបាយៈ
- សេចក្តីណែនាំដល់ក្រុមបំប៉ន និងពិនិត្យតាមដានថ្នាក់ក្រុង ស្រុក ខណ្ឌលើការបំពេញការងារអប់រំបឋមសិក្សារៀបចំបាននៅឆ្នាំ ២០១២ ។
៣. សូចនាករ និងចំណុចដៅ
- អត្រាពិតចូលរៀនថ្មីកើនពី ៩១.៩% នៅឆ្នាំសិក្សា ២០០៨-២០០៩ ទៅ ១០០% នៅឆ្នាំសិក្សា ២០១៣-២០១៤។
- អត្រាពិតនៃការសិក្សានៅបឋមសិក្សាកើនពី ៩៤.៤% នៅឆ្នាំសិក្សា ២០០៨-២០០៩ ដល់ ៩៨.០% នៅឆ្នាំ ២០១៣-២០១៤ ។
- អត្រាបញ្ចប់ការសិក្សាកើនពី ៨៥.៥% នៅឆ្នាំសិក្សា ២០០៨-២០០៩ ដល់ ១០០% នៅឆ្នាំសិក្សា ២០១៣-២០១៤។
- អត្រាត្រួតថ្នាក់ថយចុះពី ៨.៩% នៅឆ្នាំសិក្សា ២០០៨-២០០៩ មកត្រឹម៥% នៅឆ្នាំសិក្សា ២០១៣-២០១៤។
- អត្រាបោះបង់ការសិក្សាថយចុះពី ៨.៣% នៅឆ្នាំសិក្សា ២០០៨-២០០៩ មកត្រឹម ៥% នៅឆ្នាំសិក្សា ២០១៣-២០១៤។
- យ៉ាងហោចណាស់ ៧៥% នៃសាលាបឋមសិក្សាទាំងអស់នឹងជាសាលាកុមារមេត្រីនៅឆ្នាំសិក្សា២០១៣-២០១៤។
៤. សកម្មភាព និងកម្មវិធីចម្បងៗ
៤.១. កម្មវិធីចរន្ត (ថវិកាកម្មវិធី និងថវិកាផេ្សងៗទៀត)
- ផ្តល់ថវិកាដំណើរការសាលារៀននៅទូទាំងប្រទេស ដោយផ្អែកលើការព្រមព្រៀងបង្កើនកញ្ចប់ថវិកានិងរូបមន្តបែងចែកថវិកា សម្រាប់សិស្សម្នាក់ៗជារៀងរាល់ឆ្នាំ ពិសេសសម្រាប់សាលារៀន ជួបការលំបាក ។
- ពង្រឹង និង ពង្រីក កម្មវិធីសាលាកុមារមេត្រីដែលមានសកម្មភាពបំប៉នសមត្ថភាពដល់ក្រុមបំប៉ន និងពិនិត្យតាមដានថ្នាក់ក្រុង ស្រុក ខណ្ឌ និងកម្មវិធីបណ្ណាល័យ ។
- លើកទឹកចិត្តគ្រូបង្រៀនល្អនិងសាលារៀនល្អ។។
- ពិនិត្យតាមដានដំណើរការសាលារៀន។
៤.២. កម្មវិធីមូលធន
ការវិនិយោគ ៖
- សាងសង់បង្គន់អនាម័យ អណ្តូងទឹក បន្ទប់ធនធាន បណ្ណាល័យនៅតាមសាលាបឋមសិក្សា ពិសេស នៅតំបន់ដាច់ស្រយាល។
- សាងសង់កន្លែងស្នាក់នៅឲ្យគ្រូបង្រៀននៅតាមតំបន់ដាច់ស្រយាល។
- ផ្តល់បន្ទប់រៀនបន្ថែមដល់សាលាមិនគ្រប់កម្រិត សាលាដែលមានសិស្សច្រើន និងសាលាដែល រៀន ៣ វេន។
- ការផ្តល់ឧបករណ៍ជំនួយសម្រាប់កុមារពិការ ឱ្យសមស្របឆ្លើយតបទៅនឹងតម្រូវការការសិក្សា ដូចជា វ៉ែនតា រទេះរុញ កាសស្តាប់ ជាប់ត្រចៀក ចាប់ពីឆ្នាំ២០០៩។
កិច្ចសហប្រតិបត្តិការបច្ចេកទេស ៖
ពង្រឹងសមត្ថភាពមន្ត្រីថ្នាក់កណ្តាល ថ្នាក់ខេត្ត ថ្នាក់ស្រុក និងថ្នាក់កម្រងសាលាដើម្បីលើក កម្ពស់ការងារផែនការ ការគ្រប់គ្រង និងការពិនិត្យតាមដាននៃសកម្មភាព និងចំណាយ ប្រតិបត្តិការ ដើម្បីជំរុញការអនុវត្តកម្មវិធីសាលាកុមារមេត្រី។
គាំទ្រដល់ការបង្កើត និងពង្រឹងក្រុមបំប៉ននិងពិនិត្យតាមដានថ្នាក់ក្រុង ស្រុក ខណ្ឌ ដែលនឹង ទទួលខុសត្រូវជួយកម្រងសាលារៀន នៅក្នុងការអនុវត្តការពិនិត្យតាមដានតាមបែបវិមជ្ឈការ លើការបំពេញការងាររបស់សាលារៀន។
ពង្រឹងនិងពង្រីកកម្មវិធីសាលាកុមារមេត្រី ដែលមានសកម្មភាពប្រសិទ្ធភាពការរៀននិងបង្រៀន ការសិក្សាចិត្តសង្គម ការអប់រំពិសេស ការអប់រំបញ្ចូលគ្នា ការបង្រៀនថ្នាក់គួប ការអប់រំពីរភាសា ស្តង់ដាកម្មវិធីសិក្សាអប្បរមា កុមារក្រៅសាលា អាន-សរសេរថ្នាក់ទី១ កម្មវិធីបណ្ណាល័យ ជំនាញបំណិនជីវិតតាមតំបន់ ការការពារមេរោគអេដស៍/ជំងឺអេដស៍ បញ្ហាសុខភាពដ៏ទៃទៀត អាហារូបករណ៍ អាហារូបត្ថម្ភ និងកញ្ចប់ថវិកាសម្រាប់កែលម្អសាលារៀន ជាពិសេស នៅតាមតំបន់ព្រំដែន និងតំបន់ត្រីកោណ។
លើកកម្ពស់ និងផ្សព្វផ្សាយជារៀងរាល់ឆ្នាំពីសារៈសំខាន់នៃការអប់រំដល់សហគមន៍ និងអាជ្ញាធរដែនដី ដើម្បីធានាការអភិវឌ្ឍដែលមានការចូលរួមនៅថ្នាក់តំបន់ជាមួយនឹងចីរភាព និងភាពជាម្ចាស់។
គាំទ្រដល់ការបង្កើត និងពង្រឹងក្រុមបំប៉ននិងពិនិត្យតាមដានថ្នាក់ក្រុង ស្រុក ខណ្ឌ ដែលនឹង ទទួលខុសត្រូវជួយកម្រងសាលារៀន នៅក្នុងការអនុវត្តការពិនិត្យតាមដានតាមបែបវិមជ្ឈការ លើការបំពេញការងាររបស់សាលារៀន។
ពង្រឹងនិងពង្រីកកម្មវិធីសាលាកុមារមេត្រី ដែលមានសកម្មភាពប្រសិទ្ធភាពការរៀននិងបង្រៀន ការសិក្សាចិត្តសង្គម ការអប់រំពិសេស ការអប់រំបញ្ចូលគ្នា ការបង្រៀនថ្នាក់គួប ការអប់រំពីរភាសា ស្តង់ដាកម្មវិធីសិក្សាអប្បរមា កុមារក្រៅសាលា អាន-សរសេរថ្នាក់ទី១ កម្មវិធីបណ្ណាល័យ ជំនាញបំណិនជីវិតតាមតំបន់ ការការពារមេរោគអេដស៍/ជំងឺអេដស៍ បញ្ហាសុខភាពដ៏ទៃទៀត អាហារូបករណ៍ អាហារូបត្ថម្ភ និងកញ្ចប់ថវិកាសម្រាប់កែលម្អសាលារៀន ជាពិសេស នៅតាមតំបន់ព្រំដែន និងតំបន់ត្រីកោណ។
លើកកម្ពស់ និងផ្សព្វផ្សាយជារៀងរាល់ឆ្នាំពីសារៈសំខាន់នៃការអប់រំដល់សហគមន៍ និងអាជ្ញាធរដែនដី ដើម្បីធានាការអភិវឌ្ឍដែលមានការចូលរួមនៅថ្នាក់តំបន់ជាមួយនឹងចីរភាព និងភាពជាម្ចាស់។
៥. ការគ្រប់គ្រងកម្មវិធីនិងពិនិត្យតាមដាន
នាយកដ្ឋាន បឋមសិក្សាគ្រប់គ្រងនិងពិនិត្យតាមដានផលសម្រេចរបស់កម្មវិធីនេះ។ ការពិនិត្យ តាមដានវឌ្ឍនភាពរបស់កម្មវិធីជាការទទួលខុសត្រូវរបស់ ក្រុមគ្រូឧទ្ទេសបង្គោលថ្នាក់ជាតិ និងក្រុម បំប៉ននិងពិនិត្យតាមដានថ្នាក់ក្រុង ស្រុក ខណ្ឌស្របតាមផែនការការងារ និងផែនការអភិវឌ្ឍសាលារៀន ដែលបានឯកភាព។ ការិយាល័យអប់រំ យុវជន និងកីឡាក្រុង ស្រុក ខណ្ឌ ជាអ្នកគ្រប់គ្រងថវិការបស់ កម្មវិធីនេះ និង បើកផ្តល់សាច់ប្រាក់ទៅឱ្យសាលារៀន។ ការិយាល័យអប់រំ យុវជន និងកីឡាក្រុង ស្រុក ខណ្ឌនីមួយៗ ត្រូវធ្វើរបាយការណ៍ប្រចាំខែជូនដល់មន្ទីរអប់រំ យុវជន និងកីឡារាជធានី ខេត្ត ស្តីពី សកម្មភាពបច្ចេកទេស និងស្ថានភាពហិរញ្ញវត្ថុរបស់កម្មវិធី។
មន្ទីរអប់រំ យុវជន និងកីឡារាជធានី ខេត្ត ទទួលខុសត្រូវក្នុងការពិនិត្យតាមដាន លទ្ធផលនិងការរីកចម្រើនទូទៅនៃសកម្មភាពផ្នែកបច្ចេកទេស និងការផ្តល់ហិរញ្ញប្បទានរបស់កម្មវិធីកែលម្អកំហុស ឆ្គងពេលចាំបាច់ និងធានាការបញ្ជូនរបាយការណ៍ប្រចាំខែទាន់ពេលវេលា។ មន្ទីរអប់រំ យុវជន និង កីឡារាជធានី-ខេត្ត ត្រូវធ្វើរបាយការណ៍ប្រចាំត្រីមាសជូននាយកដ្ឋានបឋមសិក្សា ទាំងផ្នែកបច្ចេកទេស និង ហិរញ្ញវត្ថុ។
មន្ទីរអប់រំ យុវជន និងកីឡារាជធានី ខេត្ត ទទួលខុសត្រូវក្នុងការពិនិត្យតាមដាន លទ្ធផលនិងការរីកចម្រើនទូទៅនៃសកម្មភាពផ្នែកបច្ចេកទេស និងការផ្តល់ហិរញ្ញប្បទានរបស់កម្មវិធីកែលម្អកំហុស ឆ្គងពេលចាំបាច់ និងធានាការបញ្ជូនរបាយការណ៍ប្រចាំខែទាន់ពេលវេលា។ មន្ទីរអប់រំ យុវជន និង កីឡារាជធានី-ខេត្ត ត្រូវធ្វើរបាយការណ៍ប្រចាំត្រីមាសជូននាយកដ្ឋានបឋមសិក្សា ទាំងផ្នែកបច្ចេកទេស និង ហិរញ្ញវត្ថុ។
៦. ផែនការហិរញ្ញវត្ថុ (គិតជាលានរៀល)
| សកម្មភាព | 2009 | 2010 | 2011 | 2012 | 2013 |
| ១. កម្មវិធីចរន្ត | 45,038.1 | 43,775.4 | 44,330.9 | 54,269.5 | 60,456.2 |
| - ថវិកាដំណើរការសាលារៀន | 22,641.1 | 23,139.3 | 23,259.6 | 24,499.7 | 24,499.7 |
| - ការពង្រឹងសកម្មភាពរៀន និងបង្រៀន | 18,128.2 | 17,666.2 | 16,944.7 | 18,411.4 | 18,411.4 |
| - ការពង្រឹងការពិនិត្យតាមដានកម្មវិធី ការកសាងសមត្ថភាពនិងលើកទឹកចិត្ត | 4,268.8 | 2,969.9 | 4,126.6 | 11,358.4 | 17,545.1 |
| ២. កម្មវិធីមូលធន | 4,268.8 | 2,969.9 | 4,126.6 | 11,358.4 | 17,545.1 |
| ការវិនិយោគ | 11.8 | 12.0 | 12.0 | 16.0 | 18.0 |
| កិច្ចសហប្រតិបត្តិការបច្ចេកទេស | 4,257.0 | 2,957.9 | 4,114.6 | 11,342.4 | 17,527.1 |
| សរុបរួម | 49,306.9 | 46,745.3 | 48,457.5 | 65,627.9 | 78,001.3 |
ការពង្រឹងគុណភាព និងប្រសិទ្ធភាពនៃការអប់រំនៅមធ្យមសិក្សា
១. វត្ថុបំណង
វត្ថុបំណងនៃកម្មវិធីនេះ គឺកាត់បន្ថយឧបសគ្គនៃការចូលរៀន និងកែលម្អគុណភាព និង ប្រសិទ្ធភាព ដើម្បីបង្កើនអត្រាគង់វង្សពីថ្នាក់ទី ៧ ដល់ទី ៩ និងអត្រាឆ្លងភូមិសិក្សាពីថ្នាក់ទី ៩-១០ ។ វត្ថុបំណងទីពីរគឺ ធានាការចូលរៀនប្រកបដោយសមធម៌នៅមធ្យមសិក្សាទុតិយភូមិក្រោយពី ប្រឡងជាប់សញ្ញាបត្រមធ្យមសិក្សាបឋមភូមិ ជាពិសេសនៅតំបន់ជនបទ និងតំបន់ដាច់ស្រយាល ដែលជាប្រភពធនធានមនុស្សសម្រាប់ចូលរៀននៅមធ្យម សិក្សាបច្ចេកទេសវិជ្ជាជីវៈ និងឧត្តមសិក្សា។
២. ការឆ្លើយតបទៅនឹងគោលនយោបាយ និងយុទ្ធសាស្រ្តក្នុងផែនការយុទ្ធសាស្រ្តវិស័យអប់រំ
គោលនយោបាយទី ១ ៖ ធានាលទ្ធភាពទទួលបានសេវាអប់រំប្រកបដោយសមធម៌
* ពង្រីកលទ្ធភាពចូលរួមរបស់ផ្នែកឯកជននិងសហគមន៍នៅគ្រប់កម្រិតសិក្សា ជាពិសេសក្រុមប្រឹក្សា ឃុំ-សង្កាត់។
សកម្មភាពគោលនយោបាយ ៖
- សេចក្តីណែនាំអំពីការចូលរួមរបស់សហគមន៍ក្នុងការគ្រប់គ្រងគ្រឹះស្ថានមធ្យមសិក្សារៀបចំបាននៅឆ្នាំ២០១១។
* បន្តសាងសង់សាលារៀនថ្មី និងមជ្ឈមណ្ឌលសិក្សាសហគមន៍ឬផ្តល់សម្ភាររូបវ័ន្តបន្ថែមចំពោះសាលារៀនបឋមសិក្សាមិនគ្រប់កម្រិតថ្នាក់។
សកម្មភាពគោលនយោបាយ ៖
- លិខិតបទដ្ឋានស្តីពី តួនាទីនិងភារកិច្ចរបស់វិទ្យាល័យធនធាន រៀបចំបាននៅឆ្នាំ ២០១០។
- លិខិតបទដ្ឋានស្តីពី ការគ្រប់គ្រងវិទ្យាល័យនិងអគារធនធាន រៀបចំបាននៅឆ្នាំ ២០១០។
- ប្រកាសស្តីពី ការទទួលស្គាល់វិទ្យាល័យធនធាន រៀបចំបាននៅឆ្នាំ ២០១១។
គោលនយោបាយទី ២ ៖ លើកកម្ពស់គុណភាពនិងប្រសិទ្ធភាពសេវាអប់រំ
* កែលម្អគុណភាពនៃការបង្រៀន ការរៀន និងការស្រាវជ្រាវនៅគ្រប់កម្រិតទូទាំងប្រទេស។
សកម្មភាពគោលនយោបាយ ៖
- លិខិតបទដ្ឋានការប្រើប្រាស់គ្រូចូលនិវត្តន៍ឱ្យមកបម្រើការជារបបប្រាក់ម៉ោងបន្ថែមរៀបចំបានឆ្នាំ២០១០
- សេចក្តីណែនាំស្តីពីការអនុវត្តកម្មវិធីសិក្សាថ្មីនៅមធ្យមសិក្សា បានកែលម្អនៅឆ្នាំ២០១០
- បទបញ្ជាផ្ទៃក្នុងនៃសាលាមធ្យមសិក្សាចំណេះទូទៅ បានកែលម្អនៅឆ្នាំ២០១០
- លិខិតបទដ្ឋានក្នុងការបង្កើត និងគ្រប់គ្រងបណ្ណាល័យ រៀបចំបាននៅឆ្នាំ២០១៣
* អនុវត្តគោលនយោបាយកម្មវិធីសិក្សាថ្មីទាំងនៅបឋមសិក្សា និងមធ្យមសិក្សាបឋមភូមិដោយផ្តោតការយកចិត្តទុកដាក់លើម៉ោងបង្រៀន។
សកម្មភាពគោលនយោបាយ ៖
- សេចក្តីណែនាំស្តីពីការផ្សព្វផ្សាយលទ្ធផលតែសស្តង់ដា របស់សិស្សថ្នាក់ទី៣ ទី៦ និងទី៩ ទៅអ្នកពាក់ព័ន្ធរៀបចំបាននៅឆ្នាំ២០១២។
៣. សូចនាករ និងចំណុចដៅ
- អត្រាពិតនៃការសិក្សានៅថ្នាក់ទី ៧-៩ កើនពី ៣២% នៅឆ្នាំសិក្សា ២០០៩-២០១០ ដល់ ៥១% នៅឆ្នាំសិក្សា ២០១៣-២០១៤ ។
- អត្រាឆ្លងភូមិសិក្សានៅថ្នាក់ទី ៩-១០ កើនពី ៧៣% នៅឆ្នាំសិក្សា ២០០៩-២០១០ ដល់ ៨៥% នៅឆ្នាំសិក្សា ២០១៣-២០១៤ ។
- សិស្សសម្រេចបានស្តង់ដាកម្មវិធីសិក្សា មុខវិជ្ជាភាសាខ្មែរថ្នាក់ទី៩ កើនពី៦២% នៅឆ្នាំសិក្សា ២០០៩-២០១០ ដល់ ៨០% នៅឆ្នាំសិក្សា ២០១៣-២០១៤។
- សិស្សសម្រេចបានស្តង់ដាកម្មវិធីសិក្សាមុខវិជ្ជាគណិតវិទ្យាថ្នាក់ទី៩ កើនពី៣២% នៅឆ្នាំសិក្សា ២០០៩-២០១០ ដល់ ៧០% ឆ្នាំសិក្សា២០១៣-២០១៤។
- វិទ្យាល័យធនធានមានចំនួន ៤៥ នៅឆ្នាំសិក្សា ២០១៣-២០១៤។
- អត្រារួមនៃការសិក្សានៅថ្នាក់ទី ១០-១២ កើនពី ៣២% នៅឆ្នាំសិក្សា ២០០៩-២០១០ ទៅ ៤០% នៅឆ្នាំសិក្សា ២០១៣-២០១៤។
- អត្រាបញ្ចប់ការសិក្សាថ្នាក់ទី ១០-១២ កើនពី ៧០% ក្នុងឆ្នាំសិក្សា ២០០៩-២០១០ ដល់ ៨០% នៅឆ្នាំសិក្សា ២០១៣-២០១៤។
៤. កម្មវិធី និងសកម្មភាពចម្បងៗ
៤.១. កម្មវិធីចរន្ត (ថវិកាកម្មវិធី និងថវិកាផេ្សងៗទៀត)
- ផ្តល់ថវិកាដំណើរការសាលារៀននៅទូទាំងប្រទេស ដោយផ្អែកលើការសម្របសម្រួលកញ្ចប់ថវិកាប្រចាំឆ្នាំ និងរូបមន្តបែងចែកថវិកាឡើងវិញតាមស្ថានភាពជាក់ស្តែងដែលបានឯកភាព ។
- ផ្តល់ថវិកាលើកទឹកចិត្តសិស្សពូកែប្រចាំឆ្នាំ។
- ការពិនិត្យតាមដានការអនុវត្តកម្មវិធីសិក្សា ការរៀន និងបង្រៀន ការងារគ្រប់គ្រង ការកសាងផែនការការងារប្រឡងលទ្ធផលសិក្សារបស់សិស្ស។
- ការពង្រឹងសមត្ថភាពស្តីពីការរៀបចំផែនការអភិវឌ្ឍសាលារៀន ការគ្រប់គ្រងបណ្ណាល័យ ការបង្រៀន ការគ្រប់គ្រង និងការប្រឡង ។
- ការប្រឡងជ្រើសរើសសិស្សពូកែទូទាំងប្រទេសផ្នែកគណិតវិទ្យា អក្សរសាស្ត្រ និងរូបវិទ្យា។
៤.២. កម្មវិធីមូលធន
ការវិនិយោគ ៖
- ផ្តល់មធ្យោបាយទំនាក់ទំនងសម្រាប់ថ្នាក់ជាតិនិងថ្នាក់ក្រោមជាតិ ដូចជាឧបករណ៍អេឡិចត្រូនិច ឧបករណ៍ និងសម្ភារពិសោធន៍។
- ផ្តល់ថវិកាដំណើរការវិទ្យាល័យធនធាន ក្នុងដំណាក់កាលពីរឆ្នាំដំបូង និងផ្ទេរការទទួលខុសត្រូវ ដល់ក្រសួងនៅឆ្នាំបន្តបន្ទាប់។
- ផ្តល់ថវិកាប្រតិបត្តិសម្រាប់សាលាកុមារមេត្រី។
កិច្ចសហប្រតិបត្តិការបច្ចេកទេស ៖
- រៀបចំឯកសារបណ្តុះបណ្តាលស្តីពីការគ្រប់គ្រង និងការបង្រៀននៅវិទ្យាល័យធនធាន និងសាលាមធ្យមសិក្សាបណ្តាញ
- សិក្សាផលប៉ះពាល់នៃការអនុវត្តកម្មវិធីសាលាកុមារមេត្រី។
- ធ្វើតែសស្តង់ដាដើម្បីវាស់លទ្ធផលសិក្សារបស់សិស្សនៅ ថ្នាក់ទី៣ ទី៦ និងទី៩ នៅទូទាំងប្រទេសរៀងរាល់ឆ្នាំតាមខួបនៃកម្រិតថ្នាក់ និងតាមវិធីជ្រើសរើសសំណាកគំរូ។
៥. ការពិនិត្យតាមដាន និងការគ្រប់គ្រងកម្មវិធី
នាយកដ្ឋានធម្យមសិក្សាចំណេះទូទៅគ្រប់គ្រងការអភិវឌ្ឍអនុវិស័យទាំងមូល ដោយផ្តោតលើ ការធ្វើផែនការ ការពង្រឹងប្រព័ន្ធពិនិត្យតាមដាន និងវាយតម្លៃ ការប្រើប្រាស់ធនធាន និងការកសាង សមត្ថភាព។ នាយកដ្ឋានមធ្យមសិក្សាចំណេះទូទៅផ្តល់ជំនួយទាំងបច្ចេកទេស និងការគ្រប់គ្រងដល់ ថ្នាក់ក្រោមជាតិដើម្បីអនុវត្តនូវតួនាទី និងភារកិច្ចរបស់គេ។ មន្ទីរអប់រំ យុវជន និងកីឡារាជធានី-ខេត្តទទួលខុសត្រូវរៀបចំផែនការប្រតិបត្តិ ប្រចាំឆ្នាំសម្រាប់អនុវិស័យ អនុវត្តគ្រប់សេចក្តីណែនាំរបស់ ថ្នាក់ជាតិនិងជួយដល់សាលារៀនទាំងផ្នែកបច្ចេកទេស រដ្ឋបាល និងគ្រប់គ្រង រួមទាំងកិច្ចការហិរញ្ញវត្ថុ។ ការិយាល័យអប់រំ យុវជន និងកីឡាក្រុង ស្រុក ខណ្ឌទាំង ១៩៣ ជួយសម្របសម្រួលផ្នែករដ្ឋបាល។ សាលាមធ្យមសិក្សានីមួយៗទទួលខុសត្រូវរៀបចំកសាង និងអនុវត្តផែនការអភិវឌ្ឍសាលារៀន ដោយ មានការចូលរួមពេញលេញពីសហគមន៍ និងស្របតាមគ្រប់ការណែនាំពីថ្នាក់ជាតិ។ គ្រប់គ្រង និង អនុវត្តរាល់កម្មវិធីជាតិដែលថ្នាក់ជាតិបានកំណត់ឲ្យសាលារៀន។ ពង្រឹងអភិបាលកិច្ច និងការគ្រប់គ្រង សាលារៀន។ សុំការអនុញ្ញាត្តិពីថ្នាក់ជាតិរាល់ការអនុវត្តសកម្មភាពផ្សេងៗដែលអាចមានកា រប៉ះពាល់ ដល់ការសិក្សារបស់សិស្ស ពីសំណាក់អង្គការ មហាជននានា។
៦. ផែនការហិរញ្ញវត្ថុ (គិតជាលានរៀល)
| សកម្មភាព | 2009 | 2009 | 2009 | 2009 | 2009 |
| ១- កម្មវិធីចរន្ត | 23,900.0 | 26,660.0 | 36,139.0 | 40,247.0 | 45,076.0 |
| - មធ្យមសិក្សាបឋមភូមិ | 15,700.0 | 16,960.0 | 22,147.0 | 24,822.0 | 27,959.0 |
| ថវិកាដំណើរការសាលារៀន | 12,700.0 | 13,200.0 | 14,053.0 | 15,911.0 | 17,793.0 |
| ថវិកាពង្រឹងសមត្ថភាពគ្រប់គ្រង | 2,500.0 | 3,010.0 | 4,047.0 | 4,456.0 | 4,901.0 |
| ការពិនិត្យតាមដាន | 500.0 | 750.0 | 1,094.0 | 1,204.0 | 1,325.0 |
| - មធ្យមសិក្សាទុតិយភូមិ | 8,200.0 | 9,700.0 | 13,992.0 | 15,425.0 | 17,117.0 |
| ថវិកាដំណើរការសាលារៀន | 7,100.0 | 8,500.0 | 9,618.0 | 10,609.0 | 11,820.0 |
| រង្វាន់សិស្សពូកែ | 650.0 | 700.0 | 1,249.0 | 1,375.0 | 1,512.0 |
| ការពិនិត្យតាមដាន | 450.0 | 500.0 | 3,126.0 | 3,441.0 | 3,785.0 |
| ធនធានសរុប | 23,900.0 | 26,660.0 | 36,139.0 | 40,247.0 | 45,076.0 |
No comments:
Post a Comment